Fabrizio Romano, einn virtasti blaðamaður heims þegar kemur að félagaskiptamálum, segir Harry Kane telja sig hafa gert heiðursmannasamkomulag við Tottenam í fyrra þess efnis að hann fengi að fara frá félaginu nú sumar.
Eins og fram kom í morgun þá mætti Harry Kane ekki til æfinga hjá Tottenham í morgun. Hann átti að snúa aftur eftir stutt frí.
Hinn 28 ára gamli Kane hefur verið mikið orðaður við Manchester City í allt sumar. Félagið bauð 100 milljónir punda í framherjann fyrr í sumar. Því tilboði var þó hafnað af Tottenham.
Nú virðist Kane ætla að reyna að ýta á eftir félagaskiptum frá Tottenham. Ekki kemur fram hvort að hann sé að reyna að komast til Man City eða ekki.
Confirmed. Harry Kane has NOT shown up for Tottenham training, as @skysportspaulg revealed. Been told it’s Harry Kane choice and not related to Covid test. ⚪️ #THFC
Kane is assuming that he has had a ‘gentlemen agreement’ with the club since one year to leave Spurs this summer.
— Fabrizio Romano (@FabrizioRomano) August 2, 2021
