10. umferð Pepsi Max-deildar karla kláraðist í kvöld með þremur leikjum.
Fyrsta tap Víkinga
Víkingur Reykjavík tapaði sínum fyrsta leik á útivelli gegn Leikni Reykjavík.
Sævar Atli Magnússon kom heimamönnum yfir á 34. mínútu. Það var eina mark fyrri hálfleiks.
Sævar bætti öðru marki við með marki úr vítaspyrnu eftir um klukkutíma leik.
Á 78. mínútu fengu Víkingar víti. Nikolaj Hansen fór á punktinn og minnkaði muninn. Nær komst hans lið þó ekki. Lokatölur 2-1.
Víkingur er í þriðja sæti deildarinnar með 19 stig. Leiknir er í því níunda með 11 stig.
Stjarnan komin á skrið
Stjarnan vann mjög góðan útisigur gegn KR.
Heimamenn komust yfir snemma leiks þegar Elís Rafn Björnsson gerði sjálfsmark. Staðan í hálfleik var 1-0.
Þorsteinn Már Ragnarsson jafnaði leikinn snemma í seinni hálfleik. Á 58. mínútu skoraði Eggert Aron Guðmundsson svo sigurmark leiksins fyrir Stjörnuna. Lokatölur 1-2.
Stjarnan er í sjötta sæti deildarinnar með 13 stig. KR er í því fimmta með 15 stig.
Keflavík kom til baka uppi á Skaga
ÍA og Keflavík gerðu jafntefli uppi á Skipaskaga.
Gísli Laxdal Unnarsson kom heimamönnum yfir á 12. mínútu. Ísak Snær Þorvaldsson tvöfaldaði forystu þeirra eftir hálftíma leik.
Stuttu síðar minnkaði Christian Volesky muninn fyrir Keflavík. Staðan í hálfleik var 2-1.
Magnús Þór Magnússon jafnaði leikinn fyrir Keflavík eftir fimm mínútur í seinni hálfleik og þar við sat. Lokatölur 2-2.
Keflavík er í tíunda sæti deildarinnar með 10 stig. ÍA er á botninum með 6 stig.