Keflavík sigraði Tindastól á heimavelli í eina leik dagsins í Pepsi Max-deild kvenna.

Ekkert var skorað í tíðindalitlum fyrri hálfleik og staðan enn jöfn í leikhléi.

Eina mark leiksins kom svo snemma í seinni hálfleik. Þá skoraði Kristrún Ýr Hólm.

Aldís María Jóhannsdóttir, leikmaður Tindastóls, fékk sitt annað gula spjald og þar með rautt seint í uppbótartíma. Lokatölur í leiknum urðu 1-0 fyrir Keflavík.

Keflavík fer með sigrinum upp í sjötta sæti deildarinnar með 9 stig. Þær hafa þó leikið sjö leiki á meðan önnur lið í deildinni, fyrir utan Tindastól, hafa aðeins leikið sex.

Tindastóll er á botni deildarinnar með 4 stig.