Romelu Lukaku var með falleg skilaboð til Christian Eriksen er hann fagnaði marki sínu gegn Rússum á Evrópumótinu í dag.

Mjög drungalegt atvik kom upp í leik Finnlands og Danmerkur á mótinu. Christian Eriksen féll til jarðar og það þurfti að beita skyndihjálp.

Það var lítið um að vera þegar Eriksen féll til jarðar og fljótt kom í ljós að um eitthvað alvarlegt væri að ræða. Sjúkrastarfsmenn mættu á staðinn og beittu hjartahnoði.

Það kom svo í ljós síðar, til mikillar hamingju, að Eriksen væri vaknaður eftir að hafa verið fluttur á sjúkrahús.

Lukaku skoraði mark Belga í leik sem nú stendur yfir gegn Rússlandi. Hann fagnaði með því að fara upp að myndavél og segja ,,Chris, Chris! Ég elska þig!“ Leikmennirnir spila saman hjá Inter á Ítalíu.

"Chris, Chris! I love you."

Romelu Lukaku's message straight to camera after scoring Belgium's opening goal of the tournament. pic.twitter.com/ANbzNVetSC

— B/R Football (@brfootball) June 12, 2021