Manchester United er sagt skoða fjölda miðjumanna í ensku úrvalsdeildinni fyrir komandi félagaskiptaglugga í sumar.
Samkvæmt enskum eru leikmenn á borð við Elliot Anderson, Morgan Rogers, Carlos Baleba, Adam Wharton, Matheus Fernandes, Alex Scott og João Gomes allir til skoðunar hjá félaginu.
United hyggst styrkja miðsvæðið verulega fyrir næsta tímabil eftir sveiflukennt gengi og vill bæta bæði dýpt og gæði í hópinn.
Leikmennirnir sem eru á radarnum eru flestir ungir og efnilegir, sem fellur að stefnu félagsins um að byggja upp lið til framtíðar.
Einnig spila þeir allir í enska boltanum en félagið horfir mikið í það þessa dagana að menn hafi reynslu úr erfiðustu deild í heimi.
Ekki liggur fyrir hver þeirra sé efstur á óskalistanum, en ljóst er að United er að kanna markaðinn vandlega áður en ákvörðun verður tekin.
