Leikur Danmerkur og Finnlands er hafinn af nýju eftir langt stopp í kjölfar þess að Christian Eriksen hneig til jarðar.
Mjög drungalegt atvik kom upp í leik liðanna á Evrópumótinu. Christian Eriksen féll til jarðar og það þurfti að beita skyndihjálp.
Það var lítið um að vera þegar Eriksen féll til jarðar og fljótt kom í ljós að um eitthvað alvarlegt væri að ræða. Sjúkrastarfsmenn mættu á staðinn og beittu hjartahnoði.
Það kom svo í ljós síðar, til mikillar hamingju, að Eriksen væri vaknaður eftir að hafa verið fluttur á sjúkrahús. Leikurinn er nú hafinn að nýju. Finnland var að komast yfir í 0-1 en rúmur klukkutími er liðinn.
Hér fyrir neðan má sjá þegar danska liðið sneri aftur á völlinn við lófatak Finna. Fallega gert.
The scene as Denmark's players returned to the pitch to applause from the Finland team.
🇩🇰🇫🇮♥#EURO2020 | #DEN #FIN pic.twitter.com/T8Vrj1upo0
— Goal (@goal) June 12, 2021