Aðdáendur höfðu miklar áhyggjur af Matthew Perry eftir að hann virtist tala óskýrt og „haga sér vandræðalega“ í viðtali við People sem kom út í síðustu viku.
Meðal þess sem netverjar bentu á var að Matthew stamaði nokkrum sinnum í viðtalinu, bar orð fram óskýrt á einum tímapunkti og starði stundum út í tómið.
Matthew hefur verið opinn um baráttu sína við fíkn í gegnum árin. Hann hefur farið þrisvar í meðferð.
Sjá einnig: Aðdáendur hafa áhyggjur af Matthew Perry eftir þetta viðtal – „Þetta brýtur í mér hjartað“
Heimildamaður tengdur stjörnunni sagði í samtali við The Sun að Matthew hefði gengist undir bráða tannviðgerð samdægurs og það hafði áhrif á líðan hans og talsmáta.
„Augljóslega vill enginn fara í tökur eftir aðgerð en það gerðist […] Matthew hefur sagt sínum nánustu að hann sé edrú og það sé engin ástæða til að hafa áhyggjur.“
Einhleypur á ný
Í gær greindi People frá því að Matthew væri búinn að slita trúlofun sinni við Molly Hurwitz. Þau byrjuðu saman árið 2018 og trúlofuðu sig í nóvember 2020. „Stundum ganga hlutirnir ekki upp,“ sagði Matthew um sambandsslitin.
