Kona nokkur hefur fundið sig í þeirri stöðu að þurfa að verja samband sitt við barnsföður sinn vegna stærðarmunar þeirra. Konan, Sienna Keera, frá Ástralíu, segir að hún hafi strax laðast að unnusta sínum, leikaranum George Keywood, eftir að hafa séð hann í sjónvarpsþættinum Just Do Nothing.
Í kjölfarið sendi hún honum skilaboð á Instagram og þau byrjuðu að tala saman Hún flaug til Bretlands árið 2019 til að heimsækja hann og flutti endanlega þangað árið 2020. Þau eru nú trúlofuð og eiga barn saman.
Sienna deilir reglulega myndum og myndböndum af þeim á TikTok. Í samtali við News.au segist hún reglulega fá særandi athugasemdir um samband þeirra vegna stærðar George.
„Fólk veldur mér svo miklum vonbrigðum, það er svo dómhart gagnvart unnusta mínum því hann er stór maður,“ segir Sienna.
„Það heldur að eitthvað annað en ást búi að baki því að ég sé með honum.“
@siennakeeraAnswer to @the_real_baljeet7 our story 💗 ##fyp
Sienna segir að algengasta spurningin sem hún fái að heyra er hvort henni finnst „George í alvöru aðlaðandi.“
„Ég er hrifin af stórum gaurum, þannig já mér finnst hann mjög heitur.“
Sienna er einnig reglulega spurð hvers vegna hún hjálpar honum ekki að léttast ef henni þykir „í alvöru vænt um hann.“
„Ég glími við engin heilsufarsvandamál,“ segir George. „Ég er ekki með sykursýki, engin vandamál.“
Hann segir að læknir hans hafi verið verulega hissa yfir „góðri heilsu“ hans og þó svo að hann væri „með hátt BMI“ þá skipti það hann ekki máli.
„Ég mun lifa lengi og sjá son minn vaxa úr grasi. Horfumst líka í augu við það að við deyjum öll hvort sem er eftir sextugt.“
@siennakeeraMy future husband 💕 ##fyp