Kona að nafni Diane Noelle Leonard greinir frá því á TikTok hvernig hún greip kærasta sinn glóðvolgan án þess að ætla sér það.

Diane var að taka mynd af sér og kærasta sínum og hann var greinilega eitthvað orðinn þreyttur á myndatökunni.

Málið er að þegar þú tekur myndir á snjallsíma geturðu valið að taka „live“ myndir. Sem þýðir að síminn tekur lítið „myndband“ frekar en eina staka mynd.

„Live“ myndin sýndi hvernig kærasta Danielle leið í raun og veru í myndatökunni. Fyrst brosti hann en þegar hann hélt að myndatökuni væri lokið ranghvolfdi hann augunum.

@dianenoelleleonar##livephoto ##partner ##caught ##lol 😅♬ The Truth – Josh A

„Kærasti minn orðinn þreyttur á ruglinu í mér. „Live“ mynd nær öllu,“ segir konan með myndbandinu.

Myndbandið hefur vakið mikla athygli og fengið yfir tvær milljónir í áhorf. Fjöldi kvenna skrifuðu við færsluna á TikTok og sögðust tengja við þetta, kærastar þeirra væru heldur ekkert hrifnir af myndatökum.

„Það þýðir bara að hann elskar þig ef hann situr fyrir á mynd með þér þrátt fyrir að hata það svona mikið,“ segir ein kona.

„Eiginmaður minn HATAR að láta taka mynd af sér. Þú ættir að sjá myndirnar úr kynjaveislunni okkar, hann hataði það svo mikið en hann er besti pabbi/eiginmaður í heimi.“

En það virtist ekki öllum netverjum þykja þetta fyndið og krúttlegt, heldur töldu margir þetta vera „viðvörunarmerki“ (e. red flag). Einn netverji sagðist sjá „hatrið í augum hans.“

Diane svaraði gagnrýnendum og sagði að þetta væri „ein sekúnda af níu ára sambandi“ og afleiðing langrar myndatöku.