Bjarney Ingibjörg Gunnlaugsdóttir hefur sérhæft sig í gómsætu glútenlausu góðgæti. Það nýjasta úr ofninum hennar eru bananamúffur með döðlum og súkkulaði. Hún deilir með okkur uppskriftinni sinni á Alberteldar.com.
3 þroskaðir bananar
1 b möndlumjólk
1/2 b hlynsíróp
1/4 b brætt smjör
1 tsk kanill
1 tsk matarsódi
1 tsk lyftiduft
1 tsk vanilla
1 b hafrar
1 1/2 b haframjöl sem sett er í matvinnsluvél svo úr verður fínt mjöl
15 döðlur eða 1/4 b súkkulaðidropar eða bæði.
Setjið stappaða banana og möndlumjólk í hrærivélaskál og blandið saman.
Bætið síðan hlynsírópi, bráðnu smjöri (látið það kólna aðeins áður en það er sett út í), kanil, vanillu, matarsóda og lyftiduft út í og hræðið saman. Svo er höfrum og haframjölinu bætt við. Hræra vel saman.
Klippið eða skerið döðlurnar í litla bita og bætið þeim út í. Ef þið viljið súkkulaði þá er því líka bætt út í.
Setjið í múffuform, bakið við 175˚C í 25 mín.
Bjarney varar matgæðinga þó við að leyfa múffunum að kólna aðeins áður en ráðist er á þær því annars verður helmingurinn af þeim eftir í múffuforminu.