Vetrarfrí eru víða í grunnskólum þessa dagana. Fyrir þá foreldra og forráðamenn sem geta verið í fríi með börnum sínum höfum við tekið saman nokkrar hugmyndir að ódýrri eða ókeypis afþreyingu.
Þessar hugmyndir miða að höfuðborgarsvæðinu en við hvetjum foreldra hvar á landi sem er að koma með eigin hugmyndir í kommentakerfinu.
Heimsókn til Vigdísar forseta
Á sýningunni Heimsókn til Vigdísar er gestum á öllum aldri boðið að ganga inn í söguheim bókarinnar Vigdís. Bókin um fyrsta konuforsetann. Rán Flygenring, rit- og myndhöfundur, hannar sýninguna í samstarfi við Emblu Vigfúsdóttur sýningarstjóra. Segja má að veröld Vigdísar Finnbogadóttur, sem var fyrst kvenna kjörin forseti í heiminum, lifni við og gestir fá að kíkja í heimsókn og spegla sig í þeim gildum sem hún hefur alla tíð lagt svo mikla áherslu á, jafnt í lífi sem starfi. Sjón er sögu ríkari! Hugsaðu stórt!
Hvar: Borgarbókasafnið Gerðubergi
Fjölskylduleikir um Sjóminjasafnið fyrir fundvísa krakka!
Sýningin Fiskur & fólk er hafsjór af forvitnilegum sjávardýrum, skipum og sardínudósum sem er fróðlegt að skoða. Fjölskylduleikirnir leiða unga gesti um sýningu Sjóminjasafnsins og hvetja krakka til að velta vöngum yfir öllu því skrýta og skemmtilega sem tengist sjósókn. Safnið er úti á Granda og stendur rétt við höfnina þar sem stutt er út á bryggju.
Ókeypis aðgangur fyrir fullorðna í fylgd með börnum í vetrarfríinu.
Hvar: Sjóminjasafnið í Reykjavík, Grandagarði
Dagskrá á vegum Hafnarfjarðarbæjar á morgun, þriðjudag:
Sjávarlífverur og ratleikur í Kópavogi
Á fræðslusýningunni Lífljómun er sjónum beint að lífljómandi lífverum og hinu innra ljósi. Sæstjarna, marglytta, eldfluga og fleiri magnaðar, ljómandi lífverur birtast í teikningum Dagrúnar Guðnýjar Sævarsdóttur sem gerðar voru sérstaklega fyrir sýninguna og verða til sýnis í gluggum Náttúrufræðistofu Kópavogs. Teikningarnar snúa í báðar áttir í gluggum stofunnar og því má njóta sýningarinnar hvort sem er innan- eða utandyra.
Fræðslusýningin kallast á við skemmtilegan ratleik fyrir alla fjölskylduna, svokallaða ljósveruleit, og á henni leynast faldar vísbendingar. Litríkar ljósverustöðvar lúra á víð og dreif á útisvæði Menningarhúsanna í Kópavogi og bíða ljósveruleitenda á öllum aldri – leggjum í ljósveruleit!
Hvar: Náttúrufræðistofa Kópavogs og Menningarhúsin.
Kökur og kettir
Kattakaffihúsið er fyrsta kaffihúsið af sínu tagi á Íslandi. Kattakaffihús hafa verið að ryðja sér til rúms út um allan heim sl. ár en það fyrsta opnaði í Taiwan 1998, þau eru sérstaklega vinsæl í Asíu en hafa opnað á undanförnum árum í Bandaríkjunum, Kanada og út um alla Evrópu.
Á Kattakaffihúsinu er hægt að panta sér veitingar eins og á hefðbundnum kaffihúsun, en þar munar um kettina sem þar halda til og eru í leit að nýju heimili. Hægt er að sækja um að taka kettina að sér, en líka kaupa ýmsar kattavörur.
Hvar: Bergstaðastræti 10a, 101 Reykjavík
Bíófjör á Bókasafni Garðabæjar
Þriðjudaginn 23. febrúar verður myndin ,,Grami göldrótti“ sýnd, miðvikudaginn 24. febrúar verður myndin ,,Brettin upp!“ sýnd og á föstudeginum 26. febrúar verður myndin ,,Ótrúleg saga um risastóra peru“ sýnd.
Sýningar hefjast klukkan 11:00 hvern dag.
Alla dagana er hægt að hafa það notalegt og skoða bækur og spila á afgreiðslutíma safnsins kl.9 – 19.
Grunnskólabörn velkomin en fullorðnir beðnir um að halda sig til hlés.
Hvar: Bókasafn Garðabæjar, Garðatorgi 7
Bakað með UngRUV
Það er tilvalið að baka í vetrarfríinu. Í stuttu og einföldu myndbandi á RUV sýnir Elísa Eyvindsdóttir hvernig hún býr til kökupinna. Smellið hér til að horfa.
