Það virðist vera sívaxandi eftirspurn eftir því sem boðið er upp á beinni útsendingu á netinu. Það er að segja konur eða karlar selja aðgang í gegnum netið og síðan geta þeir sem kaupa sér aðgang jafnvel sett fram óskir um það sem þeir vilja gjarnan sjá.
Lindsey Banks, bandarísk kona, selur slíka þjónustu á nokkrum vefsíðum. Hún hlýtur að standa sig vel því hún hefur verið tilnefnd til verðlauna sem besta myndavélamódel ársins á AVN Awards, sem eru nokkurs konar Óskarsverðlaun klámiðnaðarins.
Í umfjöllun Dailystar um hana kemur fram að hún segi að eitt það vinsælasta meðal viðskiptavina hennar í dag sé svokallað simp eða simping. Þetta er slanguryrði um karlmann sem gengst mjög mikið upp í því að fullnægja konu og þá sérstaklega þegar hún endurgeldur ekki kynlífið. „Einn viðskiptavinur vildi borga mér fyrir að afklæðast en síðan átti ég bara að hunsa hann og halda peningunum,“ sagði hún.
„Annar vildi að ég færi inn í annað herbergi að taka til og ég var því ekki á skjánum í hálfa klukkustund,“ sagði hún um óskir annars viðskiptavinar.
„Í mínum huga snýst þetta bara um niðurlægingu þar sem maðurinn vill bara láta konu ráða yfir sér, konu sem hann vill gera allt fyrir,“ sagði Banks.
Annað, sem hún segir að njóti vaxandi vinsælda, er að viðskiptavinir vilja horfa á hana raka og vaxa kynfærin. „Einn viðskiptavinur vildi meira að segja að ég sendi honum kynfærahárin mín,“ sagði hún.
Banks sagði einnig að sumir virðist örvast við hnerra og lýsi hnerra sem lítilli fullnægingu og vilji því sjá konur hnerra og lýsa því síðan hversu dásamlegt það er að hnerra.
Enn aðrir borga henni fyrir að reykja í beinni útsendingu. Það er ekki vandamál fyrir hana því hún reykir hvort sem er.
