The Guardian skýrir frá þessu. Fram kemur að talið sé að 14 milljónir tonna, hið minnsta, af plasti liggi á botni heimshafanna og er þá miðað við plast sem er minna en 5 millimetrar að breidd eða örplast öðru nafni.
Fram kemur að rannsókn á botnlögum sjávar, allt niður á 3 km dýpi, bendi til að þar sé allt að 30 sinnum meira plast en er á floti. Ástralska vísindastofnunin, CSIRO, safnaði og rannsakaði sýnum af sjávarbotni á sex afskekktum stöðum um 300 km undan suðurströnd landsins. Á grunni þessar rannsóknar er matið á magni plasts byggt.
Denise Hardesty, sem vann að rannsókninni, sagði í samtali við The Guardian að það að finna örplast á svona afskekktum stöðum og á svo miklu dýpi bendi til að plast sé mjög útbreitt og skipti þá engu hvar í heiminum fólk er.
