Jóakim Danaprins, yngri sonur Margrétar Þórhildar Danadrottningar, er á batavegi eftir að hafa gengist undir aðgerð vegna blóðtappa í heila. Hann fékk góðan gest í vikunni þegar bróðir hans, Friðrik krónprins, heimsótti hann á sveitasetur konungsfjölskyldunnar í Frakklandi.

Danska hirðin skýrði frá þessu í gær og birti meðfylgjandi mynd af bræðrunum við morgunverðarborðið við sveitasetrið.

Friðrik krónprins er kominn aftur heim til Danmerkur eftir að hafa dvalið hjá bróður sínum og fjölskyldu hans í nokkra daga.

Jóakim er sagður á batavegi en hafi þörf fyrir ró og næði. Áður hefur hirðin skýrt frá því að prinsinn muni ekki hljóta varanleg mein af heilablóðfallinu.