Róbert Marshall og Brynhildur Ólafsdóttir eru orkumikið par sem hefur látið að sér kveða í samfélaginu. Þau kynntust þegar þau voru bæði fréttamenn en síðustu ár hafa þau verið áberandi í útivistinni, séð um leiðsögn og þjálfun á fjöllum. Nýlega ákvað Róbert hins vegar að skipta um gír og er kominn í forsætisráðuneytið þar sem hann starfar sem upplýsingafulltrúi ríkisstjórnarinnar. DV ákvað að lesa í stjörnumerki þeirra og athuga hvernig þau eiga saman.
Róbert og Brynhildur eru bæði Tvíburar. Það er líf og fjör í þessu sambandi því það er líkt og fjórar manneskjur komi saman, ekki aðeins tvær.
Þessi tvö verða fljótt leið á einhverju og þurfa mikla andlega örvun. Þau virka vel saman þar sem þau geta hent hugmyndum á milli, kenningum og krefjandi verkefnum. Tvíburinn þráir frelsi og alls kyns tjáningu og því geta Brynhildur og Róbert náð sínum hæstu markmiðum saman, því þau eru svo sterk saman. Ef þau ná að forðast að fara í samkeppni hvort við annað og vinna saman þá verður þetta ástarsamband afar langlíft og farsælt.