Á miðvikudag í síðustu viku voru starfsmenn vegagerðarinnar í Georgíuríki í Bandaríkjunum sendir til að þrífa undir Etowah brúnni í Arcmuchee í Rome. Þegar þeir fóru undir brúna mætti hræðileg sjón þeim og var lögreglan strax fengin á vettvang.

Undir brúnni lágu lík hálfsystranna Vanita Richardson, 19 ára, og Truvenia Clarece Campbell, 31 árs. CNN skýrir frá þessu. Fram kemur að augljóst hafi verið að þær hafi verið myrtar og kastað fram af brúnni.

Lögreglan leitar nú að gylltri Toyotu Corolla, árgerð 1997, sem systurnar voru á ferð í á þriðjudaginn. Samkvæmt upplýsingum CNN þá voru pokar yfir höfðum systranna og haglabyssuskot fundust nærri líkum þeirra.

Richardson átti að útskrifast úr menntaskóla á föstudaginn og hafði andlát hennar mikil áhrif á starfsfólk og nemendur skólans.

Enginn hefur verið handtekinn vegna málsins.