Eitt félag í ensku úrvalsdeildinni hefur lagt það til að deildin verði kláruð í Kína, þar sem kórónuveiran byrjaði.

Veiran hefur hægt verulega á sér í Kína en á Englandi er tala sýktra að aukast dag frá degi.

Enska úrvalsdeildin ætlar að gera allt til þess að ljúka leik og skoða félögin alla kosti.

Ein hugmyndin samkvæmt The Athletic er að fara til Kína og spila alla leiki þar á mánuði. Með því væri hægt að klára deildina.

Enska úrvalsdeildin vill gera allt til þess að klára enda þarf deildin að endurgreiða um 700 milljónir punda ef það tekst ekki. Sjónvarpssamningur deildarinnar er sá stærsti í heimi og því mikið í húfi.