Danny Mills, fyrrum landsliðsmaður Englands, telur sig vita af hverju Joe Gomez fær lítið að spila hjá Liverpool þessa stundina.

Gomez var fastamaður í liðinu áður en hann meiddist í leik gegn Burnley í desember á síðasta ári.

Mills telur að Gomez sé ekki að sýna Jurgen Klopp nóg á æfingum og að það kosti hann sæti í liðinu.

,,Gomez þarf kannski að bæta sig aðeins á æfingum, hann þarf að gera eins mikið og hann getur,“ sagði Mills.

,,Það hlýtur að vera það. Ég er viss um að hann hafi spilað varaliðsleiki en þetta er lið sem er á toppi deildarinnar.“

,,Þeir eru að standa sig gríðarlega vel og það er ekki hægt að efast um Klopp á neinn hátt.“