Það er allt í rugli hjá liði FH ef marka má orð Kristjáns Óla Sigurðssonar í hlaðvarpsþættinum Dr. Football.

Kristján fékk sér sæti með þeim Hjörvari Hafliðasyni og Mikael Nikulássyni í gær og ræddi þar stöðuna hjá FH.

Hann segir að það séu fjölmargir leikmenn sem vilji komast burt frá félaginu þessa stundina en sumir eru fastir vegna samnings.

Ólafur Kristjánsson er þjálfari FH en hann nær ekki til leikmannana, að sögn Kristjáns.

,,Það er allt í fokki í Krikanum og ekki í fyrsta skiptið og ekki í það síðasta,“ sagði Kristján Óli.

,,Leikmenn eru komnir með upp í kok. Þjálfarinn er ekki að ná til leikmanna og það er flótti úr Krikanum og þá er kannski erfiðara að flýja.“

,,Það er annað ef þú ert ekki með samning og þá geturðu farið. Jónatan Ingi og fleiri leikmenn þeir bara geta ekki meir og það er spurning hvað gerist.“

,,Kókópöffs kynslóðin höndlar ekki smá karlmennsku.“