Hinn efnilegi Mikael Anderson var í byrjunarliði Midtjylland er það mætti Randers í Danmörku í kvöld.
Mikael og félagar hafa verið óstöðvandi á tímabilinu og eru á toppnum eftir 13 umferðir.
Mikael skoraði fyrra mark Midtjylland gegn Randers í kvöld en þar lék eitt sinn Hannes Þór Halldórsson.
Midtjylland vann 2-1 heimasigur og er með 32 stig á toppi deildarinnar, fjórum stigum meira en FCK.
