Guðmundur Ingi Guðbrandsson, umhverfisráðherra, vísar á bug ásökunum Jóns Gunnarssonar, þingmanns Sjálfstæðisflokksins, um að verklag sitt og aðferðafræði varðandi friðlýsingar, brjóti gegn lögum, líkt og Jón skrifaði um í morgun:

„Þarna hef­ur verið farið að öll­um lög­um og miðað við lög og lög­skýr­ing­ar­gögn, miðað við þá aðferðafræði sem verk­efn­is­stjórn og fag­hóp­ar ramm­a­áætl­un­ar miðuðu við. Þannig að það er ekk­ert sem á að koma á óvart. Ég kynnti þetta að sjálf­sögðu fyr­ir rík­is­stjórn­inni áður en til fyrstu friðlýs­ing­ar­inn­ar kom, enda eðli­legt þegar um er ræða fyrstu friðlýs­ing­arn­ar í vernd­ar­flokki rammaáætl­un­ar. Þetta var nátt­úr­lega bara rætt þar eins og er með mörg önn­ur mál, en þetta var niðurstaða mín sem ráðherra að með þess­um hætti beri að gera þetta og það er al­gjör­lega í sam­ræmi við lög,“

segir Guðmundur við mbl.is.

Stjórnarsamstarfið ekki í hættu

Katrín Jakobsdóttir forsætisráðherra, sagði einnig við mbl.is að hún teldi Guðmund hafa farið að lögum að hún hafi ekki heyrt af neinum stjórnarslitum:

„Lög­in um ramm­a­áætl­un gera ráð fyr­ir því að það sé verið að horfa til vatna­sviðs viðkom­andi vatns­falla, þannig að ég tel að um­hverf­is- og auðlindaráðherra hafi hrein­lega fylgt þeim lög­um sem voru í gildi og hann hef­ur farið mjög vel yfir það hvað varðar sitt ráðuneyti. Ég hef hins veg­ar ekki heyrt neitt um að stjórn­ar­sam­starfið sé í hættu út af þessu og vænti þess að ef svo er þá muni for­ysta Sjálf­stæðis­flokks­ins það á rétt­um vett­vangi. Ef eitt­hvað er þá er rík­is­stjórn­in að fá auk­inn liðsstyrk núna með ungri og kraft­mik­illi konu, Áslaugu Örnu, sem ég bara hlakka til að fá að vinna með.“