Google Earth er til margra hluta nytsamlegt. Þetta geta fornleifafræðingar hjá Museum Vestjælland í Danmörku borið vitni um. Með því að skoða myndir á Google Earth fundu þeir stórt búsetusvæði frá víkingatímanum á Sjálandi. Þar eru grafir, verkstæði og 40 metra skáli.

Það er því óhætt að segja að Google Earth hafi sparað fornleifafræðingunum töluverða vinnu liggjandi á höndum og fótum við að uppgröft á víðavangi.

Í umfjöllun TV2 um málið kemur fram að það sé kannski ekki auðvelt fyrir leikmenn að sjá ummerki um fornminjar á Google Earth en það sé hins vegar hægt.

Það þykir nokkuð sérstakt að finna fornminjar sem þessar á Sjálandi þar sem jarðvegurinn þar er mjög leirkenndur en það eru ekki bestu skilyrðin fyrir að sjá hluti sem þessa.

Það má þakka miklum hita og þurru sumri á síðasta ári að minjarnar fundust því þetta gerði að verkjum að mikill litamunur var á korni og öðrum gróðri og þannig sáust ummerkin um minjarnar vel úr lofti.