Kvikmyndin Hjartasteinn sem frumsýnd var í vikunni er fyrsta kvikmynd leikstjórans og handritshöfundarins Guðmundar Arnars Guðmundssonar í fullri lengd. Hjartasteinn var heimsfrumsýnd á kvikmyndahátíð í Feneyjum og hefur síðan þá bætt við ýmsum skrautfjöðrum í hattinn á hinum og þessum kvikmyndahátíðum.

Hjartasteinn segir frá örlagaríku sumri tveggja vina, Þórs og Kristjáns, og koma vinkonur þeirra, systur Þórs og foreldrar þeirra ásamt fleiri þorpsbúum í litlu sjávarþorpi á Íslandi við sögu. Fjöldi úrvalsleikara af eldri kynslóðinni er yngri kynslóðinni til halds og trausts og er valinn maður í hverju rúmi.

Myndin var forsýnd fyrir troðfullu Háskólabíói síðastliðinn þriðjudag og að sýningu lokinni stóðu sýningargestir upp og ætlaði lófatakinu seint að linna. Leikarar og aðrir aðstandendur Hjartasteins stigu á svið og tóku á móti árnaðaróskum og lófaklappi.

Kári Kári Stefánsson mætti með dóttur sinni Sólveigu og eiginkonu, Valgerði Ólafsdóttur.

Vinkonur til margra ára Leikkonurnar Nanna Kristín og Nína Dögg létu sig ekki vanta.

Mæðgur Leikkonan og ritstjóri Kvennablaðsins, Steinunn Ólína Þorsteinsdóttir, mætti ásamt dóttur sinni, Elínu Þóru Ágústsdóttur.

Tveir leikstjórar Ari Alexander og Friðrik Þór Friðriksson.

Hæfileikarík Ragnheiður Elín Árnadóttir, fyrrverandi ráðherra, og leikstjóri Hjartasteins, Guðmundur Arnar Guðmundsson.

Aðalleikonur Hjartasteins Diljá Valsdóttir og Katla Njálsdóttir.