Skyndibitakeðjan KFC á Íslandi mun innan skamms skipta um franskar og bjóða viðskiptavinum sínum upp á nýjar, franskar kartöflur. Þetta kemur fram í frétt Vísis.

Í gegnum tíðina hafa franskarnar á KFC verið gagnrýndar og þær ekki þótt nógu bragðgóðar, en Kristín Helgadóttir hjá KFC segir í samtali við Vísi hafa tekið eftir þeirri umræðu í gegnum tíðina. Nú hafa forsvarsmenn KFC ákveðið að skipta um birgja fyrir franskarnar, en ákvörðunin var tekin í kjölfar útboðs í Evrópu.

„KFC á Íslandi og í Evrópu vinnur eftir mjög ströngum gæðakröfum en hluti af gæðaeftirlitinu er að fara reglulega í útboð til að tryggja viðskiptavinum okkar bæði gæði og gott verð,“ segir Kristín í samtali við Vísi og bætir við að viðskiptavinir ættu ekki að taka eftir breytingum, „nema þá kannski til hins betra.“

Ekki er ljóst nákvæmlega hvenær franskarnar koma á markað.