Það hefur líklegast ekki farið framhjá mörgum að veitingastaðurinn Dill Restaurant var sviptur Michelin-stjörnunni sinni í vikunni. Dill fékk stjörnuna árið 2017, fyrstur íslenskra veitingastaða, en nú er enginn Michelin-staður á landinu.

Tístarar hafa farið mikinn út af þessu á Twitter og boðið upp á skrýtluflaum út af stóra stjörnumálinu.

Hafsteini Hannessyni finnst það nett hneisa að Skalli í Árbæ fái ekki viðurkenninguna

Ef það er verið að gefa Michelin stjörnur útfrá „consistency“ [stöðugleiki] þá ætti Skalli í Árbæ að vera með a.m.k tvær stjörnur.

— Hafsteinn Hannesson (@HafsteinnOrmar) February 19, 2019

Danni Deluxe telur sig eiga skilið Michelin-stjörnu í eldhúsinu:

Það gleymist oft í umræðunni en ég fékk Michelin stjörnu í dag. Takk! pic.twitter.com/33N5hDeQU0

— Daníel Ólafsson (@DanniDeluxe) February 18, 2019

Lögmaðurinn Árni Helgason horfir á björtu hliðarnar:

Við erum þjóð án McDonalds og Michellin-stjörnu. En eigum Texas-Magga. Það er eitthvað.

— Árni Helgason (@arnih) February 19, 2019

Þangað til fjölmiðlakonan Sunna Valgerðardóttir stráir salti í sárið:

Færeyingar eru hins vegar með tvær Michelin stjörnur og Burger King.

— Sunna V. (@sunnaval) February 19, 2019

Og Henrý líka:

Enginn íslenskur veitingastaður með Michelin stjörnu. Færeyskur veitingastaður með tvær. Skellur.

— Henrý (@henrythor) February 19, 2019

Fjölmiðlamaðurinn Atli Fannar er sár að gengið er framhjá KFC:

Engin Michelin-stjarna á Íslandi sem þýðir að gengið var framhjá KFC í Hafnarfirði enn eitt árið. Sorgardagur.

— Atli Fannar (@atlifannar) February 18, 2019

Fjölmiðlamaðurinn Birgir Olgeirsson virðist vera á sama máli:

Helgi í Góu>Michelin-stjarna pic.twitter.com/NOTU2Uc8hy

— Birgir Olgeirsson (@BirgirOlgeirs) February 19, 2019

Hans Orri tekur sviptinguna nærri sér:

Ég veit ekki hvort ég er þunglyndur yfir því að vera meiddur á úlnlið og mega ekki spila tennis eða af því að Ísland er núna ekki með neina Michelin stjörnu. Eða bæði.

— Hans Orri (@hanshatign) February 19, 2019

Borgarfulltrúinn Katrín Atladóttir missti af lestinni:

Trúi ekki þetta hafi komið fyrir mig, missti af því að borða á eina Michelin stjörnu staðnum á Íslandi

— Katrín Atladóttir (@katrinat) February 18, 2019

Og hinn orðheppni Örn Úlfar Sævarsson nýtir tækifærið og auglýsir eftir vinnu:

Hvar sækir maður um að gerast útsendari Michelin? pic.twitter.com/6I0PytjHUa

— Örn Úlfar Sævarsson (@ornulfar) February 19, 2019