Jesse Lingard, stjarna Manchester United gæti fengið hressilega sekt frá lögreglunni eftir að ljósmyndarar gómuðu hann.

Lingard var að keyra á Old Trafford, heimavöll félagsins í dag. Þar mætir liðið Burnley í ensku úrvalsdeildinni í dag.

Lingard keyrði um á Bentley bíl sínum sem kostar fleiri milljónir. Þegar ljósmyndarar gómuðu Lingard undir stýri var hann í símanum.

Líkt og á Íslandi er það bannað í lögum og getur lögreglan notað myndirnar til að sekta Lingard.

Líklegast er að Lingard fái 200 pund í sekt og sex punkta í ökuskírteni sitt, lögreglan getur einnig farið með málið fyrir dómstóla. Þar gæti Lingard fengið þúsund punda sekt eða meira en 150 þúsund krónur.

Lingard hefur sprungið út undir stjórn Ole Gunnar Solskjær en liðið hefur unnið alla átta leikina undir hans stjórn.