Real Madrid vann sigur í spænsku úrvalsdeildinni í gær er liðið mætti Real Betis. Real lyfti sér upp í fjórða sæti deildarinnar með sigri en er þó 10 stigum á eftir toppliði Barcelona.

Dani Ceballos skoraði sigurmark Real á 88. mínútu leiksins í gær eftir að Sergio Canales hafði jafnað fyrir heimamenn. Það sem vekur mikla athygli er að Real var aðeins 27 prósent með boltann í leik kvöldsins.

Það er venjan að lið á borð við Real og Barcelona séu mun meira með boltann í leikjum gegn smærri liðum á Spáni.

Karim Benzema framherji félagsins varð að fara af velli eftir að hafa fingurbrotnað. Framherjinn frá Frakklandi var sárþjáður.

Greina mátti brotið á fingri hans þegar Benzema var studdur af velli. Þetta má sjá hér að neðan.