John Terry, fyrrum fyrirliði Chelsea, reyndi að hjálpa liðsfélaga sínum hjá félaginu á sínum tíma.

Um er að ræða markmanninn Mark Bosnich sem var settur í níu mánaða bann árið 2002 eftir að hafa tekið inn kókaín.

Bosnich lék m,eð Chelsea frá 2001 til 2003 en hann byrjaði að halda í slæman félagsskap er hann var hjá félaginu.

Bosnich er 46 ára gamall í dag en hann lagði hanskana á hilluna árið 2009.

Líf Bosnich breyttist mikið eftir að hann kynntist fyrirsætunni Sophie Andertson en lífstíll hennar var mjög villtur.

,,Já, John reyndi að vara mig við. Fólkið sem ég eyddi tímanum með átti hlut í því að senda þessa stelpu til mín,“ sagði Bosnich.

,,Ég reyndi að hjálpa henni og ég varð ástfanginn en hún var send til mín af annarri ástæðu.“

,,John hafði tekið eftir svipuðu með öðru fólki sem voru á þessum stað. Ég sagði við hann: ‘Þau eru í lagi’. Hann svaraði: ‘Baz, nei þau eru það ekki’.

,,Hann hafði rétt fyrir sér, þetta var slæmur félagsskapur og slæmt fólk.“