Dejan Lovren, varnarmaður Liverpool og Króatíu hefur verið settur í eins leiks bann fyrir ummæli sín um Sergio Ramos og Spánverja.

Ummælin lét Lovren falla þann 15 n´vember eftir 3-2 sigur liðsins á Spáni.

Varnarmaðurinn knái mun því missa af næsta landsleik en Lovren er illa við Ramos. Ástæðan tengist úrslitaleik Meistaradeildar Evrópu á síðasta ári.

Þar var Ramos í átökum við Mo Salah sem meiddist og fór það illa í alla sem tengjast Liverpool.

Eftir sigurinn fór Lovren á Instagram og lét í sér heyra. ,,Haha, 3-2. Haltu áfram að tala félagi (Ramos). Þetta er fullt lið af píkum.“

Það er UEFA sem setur Lovren í bann sem er meiddur þessa stundina hjá Liverpool.