Eldur logar nú í sumarbústað í Lækjarbotnalandi austan Reykjavíkur. Þetta kemur fram á vef RÚV. Talið er að kveikt hafi verið í bústaðnum en hann er gamall og yfirgefinn. Slökkvilið hefur ákveðið að láta eldinn loga í húsinu en það er í sumarhúsahverfi sem stendur til að rífa. Gætir slökkvilið þess að eldurinn breiðist ekki út. „Talsverðan reyk leggur yfir Suðurlandsveg og eru ökumenn beðnir um að aka með varúð á þessu svæði,“ segir í frétt RÚV.
