Dökkt súkkulaði hefur oft verið nefnt ofurfæða en rannsóknir hafa sýnt fram á að það hafi góð áhrif á hjartað og blóðþrýsting. Hins vegar má ekki borða alltof mikið af því, heldur einungis einn til tvo mola á dag til að koma heilsunni í lag.
Talið er að allt að sjötíu prósent fólks þjáist af magnesíumskorti, en magnesíum er líkamanum nauðsynlegt. Það er nóg af magnesíum í dökku súkkulaði, en í 100 grömmum eru um það bil 228 milligrömm af magnesíum. Það hjálpar svo sannarlega til við að ná takmarki dagsins í magnesíum inntöku, sem eru 400 milligrömm.
Í dökku súkkulaði er flavonóíð sem getur styrkt hjartað. Þetta efni getur lækkað blóðþrýsting og komið lagi á kólestórólmagn og þar af leiðandi minnkað líkur á hjartasjúkdómum.
Flavonóíð er líka gott fyrir heilann og getur aukið virkni hans, verndað viðkvæmar heilasellur og jafnvel stuðlað að endurnýjun heilasella. Þar af leiðandi gætu nokkrir súkkulaðimolar orðið til þess að þú hugsir hraðar og náir betur að einbeita þér. Þá gæti minnið líka orðið mun betra.
