Klukkan 23.13 í gærkvöldi var tilkynnt um innbrot í bifreið í miðborginni. Eigandi bifreiðarinnar kom að þjófinum í bifreiðinni en hann slapp á brott á hlaupum. Hann var í jakka merktum fyrirtæki. Sami þjófur virðist aftur hafa verið á ferðinni fyrr um kvöldið því klukkan 00.16 var tilkynnt um innbrot í bifreið í miðborginni. Þar var rúða brotin í bíl og úr honum stolið jakka merktum sama fyrirtæki og fyrrnefndur þjófur var í þegar hann var staðinn að verki.

Á ellefta tímanum í gærkvöldi var tilkynnt um innbrot í tvær íbúðir í hverfi 103. þetta uppgötvaðist þegar húsráðendur komu heim. Málin eru í rannsókn.

Þrír ökumenn voru handteknir í gærkvöldi og nótt grunaðir um ölvun við akstur. Einn þeirra er einnig grunaður um að hafa verið undir áhrifum fíkniefna og að hafa ekið án þess að hafa öðlast ökuréttindi.

Tveir ökumenn voru handteknir í gærkvöldi grunaðir um akstur undir áhrifum fíkniefna. Báðir reyndust vera sviptir ökuréttindum og annar þeirra er einnig grunaður um vörslu fíkniefna.