Pixee Fox er háð lýtaaðgerðum. Hún hefur farið í yfir 200 aðgerðir í þeim tilgangi að líta út fyrir að vera lifandi teiknimyndafígúra. Nú eru læknar farnir að neita henni um fleiri aðgerðir því þeir hafa áhyggjur af geðheilsu hennar.
Pixee er 28 ára gömul frá Norður Karólínu í Bandaríkjunum. Hún er viðfangsefni í þáttunum Botched sem eru sýndir á sjónvarpsstöðinni E!. Lýtalæknar neituðu henni um frekari aðgerðir því þeir telja að hún þjáist af líkamsskynjunarröskun, sem er alvarleg og vangreind geðröskun og einkennist af því að einstaklingur fær þráhyggju fyrir einhverjum ímynduðum galla í útliti sínu.
Í þættinum segir Pixee frá því að hún hafi nýlega undirgengist augnháraígræðslu þar sem hár af kynfærasvæði hennar voru grædd í augnlokin hennar. Er hún fyrsta manneskjan í heiminum til að undirgangast slíka ígræðslu.
„Ég trúi ekki hversu margar aðgerðir Pixee hefur farið í síðasta árið. Ég hef aldrei nokkurn tímann vitað um annað eins“ sagði einn læknanna.
„Ég hef aldrei upplifað mig sem mennska, miklu frekar sem álf, ævintýraveru.“
Pixee gekkst nýverið undir sársaukafulla aðgerð þar sem kjálki hennar var meðal annars brotinn og endurmótaður til að minna meira á teiknimyndapersónu. Það tók hana ár að jafna sig eftir aðgerðina.
Pixee segist vera að vinna að útgáfu teiknimyndabóka í anda Wonder woman. Aðalpersóna bókanna verði byggð á henni og muni kljást við „alvöru vandamál“.
„Nú er ég færa ævisögu mína í söguform þar sem ég er ofurhetjan, ævintýri og skáldskapur sem byggir á mér“
Í þáttunum Botched vonaðist Pixee eftir því að komast í aðgerð til að færa til hárlínu hennar en ,eins og áður segir, þá neituðu læknarnir að framkvæma frekari aðgerðir á Pixee vegna líkamsskynjunarröskun sem þeir telja hana þjást af.
