Kaffi er eitthvað sem margir geta bara ekki lifað án. Sérstaklega þegar þeir fara á fætur. Þá er kaffibolli bara algjör nauðsyn svo hægt sé að byrja daginn með góðu orkuskoti. Fyrir utan að hafa örvandi áhrif, þá hefur kaffi ákveðna heilsufarslega kosti, sérstaklega þegar ákveðnu kryddi er blandað út í það.

Í rannsókn, sem hefur verið birt í vísindaritinu Springer, kemur fram að ef ein skeið af kanil er sett út í morgunkaffibollann þá geti það haft undraverð áhrif á líkamann.

Þetta hefur meðal annars eftirfarandi áhrif:

Eykur virkni andoxunarefna – Blanda af kaffi og kanil bætir upptöku andoxunarefna og hjálpar til við að fyrirbyggja taugasjúkdóma sem og hugræna sjúkdóma á borð við Alzheimers og Parkinsons.

Stjórn á krónískum sjúkdómum – Rannsóknir sýna að blanda af kaffi og kanil getur hjálpað til við að hafa stjórn á sjúkdómum á borð við sykursýki og lifrarbólgu. Ástæðan er að blandan hefur góð áhrif á blóðsykurmagnið og eykur insúlínnæmið.

Heilbrigði hjartans – Kanill styrkir heilbrigði hjartans og dregur úr líkunum á hjartasjúkdómum.

Bætt melting – Auk þess að búa yfir góðum andoxunareiginleikum, þá er kanill náttúrulegt meltingarlyf sem hjálpar til við að draga úr óþægindum í maga.

Uppspretta mikilvægra næringarefna – Kanill inniheldur mikið af vítamínum og steinefnum á borð við B6-vítamín, járn, kalsíum, zink og kalíum.

Bætt minni og hugræn starfsemi – Blandan hefur bætandi áhrif á minnið og hugræna starfsemi og kemur því að góðu gagni við verkefni sem krefjast einbeitingar og góðrar andlegrar frammistöðu.