Þingmenn bæði stjórnarandstöðuflokka og stjórnarflokka hafa óskað þess að forsætisnefnd fjalli um mál þingmannanna Miðflokksins og Flokk fólksins vegna ummæla sem þeir létu falla um fjölmarga einstaklinga, meðal annars um aðra þingmenn. Mbl.is greindi fyrst frá.

DV hefur fjallað ítarlega um leyniupptökurnar þar sem þingmennirnir Ólafur Ísleifsson, Karl Gauti Kjartansson, Bergþór Ólason, Gunnar Bragi Sveinsson, Anna Kolbrún Árnadóttir og Sigmundur Davíð Gunnlaugsson sátu á vínveitingastað að ræða ýmis mál, meðal annars hvernig Gunnar Bragi skipaði Geir Haarde sem sendiherra í Washington.

Í erindinu er sagt:

„Við und­ir­rituð ósk­um eft­ir því að for­sæt­is­nefnd taki upp mál er varðar niðrandi um­mæli og hátt­semi þing­manna­hóps sem fjöl­miðlar hafa verið að fjalla um síðastliðinn sól­ar­hring. Þess er óskað að for­sæt­is­nefnd vísi þessu er­indi til siðanefnd­ar þar sem um­mæl­in og hátt­sem­in stang­ast á við 5. og 7. regl­ur siðareglna þing­manna og óski eft­ir að siðanefnd fjalli um málið og skili for­sæt­is­nefnd niður­stöðum hið fyrsta. Það þarf ekki að tí­unda ástæðu er­ind­is okk­ar frek­ar.“

Skrifuðu níu þingmenn undir erindið úr Samfylkingu, VG, Viðreisn og Pírötum.

Al­bertína Friðbjörg Elías­dótt­ir, þingmaður Sam­fylk­ing­ar­inn­ar.

Andrés Ingi Jóns­son, þingmaður VG.

Ágúst Ólaf­ur Ágústs­son, þingmaður Sam­fylk­ing­ar­inn­ar.

Hanna Katrín Friðriks­son, þingmaður Viðreisn­ar.

Helga Vala Helga­dótt­ir, þingmaður Sam­fylk­ing­ar­inn­ar.

Helgi Hrafn Gunn­ars­son, þingmaður Pírata.

Jón Stein­dór Valdi­mars­son, þingmaður Viðreisn­ar.

Rósa Björk Brynj­ólfs­dótt­ir, þingmaður VG.

Þor­steinn Víg­lunds­son, þingmaður Viðreisn­ar.