Raunveruleikastjarnan Heather Dubrow, sem einhverjir þekkja úr The Real Housewives of Orange County, gaf nýverið út bókina The Dubrow Diet, sem hún skrifaði með eiginmanni sínum, lýtalækninum Terry Dubrow.

Í bókinni talar hún mikið um föstur og segir meðal annars að tímabundnar föstur, þar sem fólk fastar ákveðið marga klukkutíma á dag, séu fyrir „grannt og þreytt fólk“. Hefur hún meiri trú á tímabundnu hámi.

Hugmyndin á bak við tímabundið hám er að þú getir valið hvenær þú ætlar að eiga tímabil þar sem þú borðar og hvenær þú ætlar að eiga tímabil þar sem þú borðar ekki. Segir Heather í bókinni að þessi aðferð muni hjálpa þér að léttast, gera húðina stinnari og auka hárvöxt. Þá á þessi aðferð hennar einnig að gera fólk orkumeira. Þetta hljómar þó ofboðslega svipað og tímabundnar föstur, einungis með öðru nafni.

Heather segist borða eftir aðferðum sínum á hverjum degi en að matarlystin hafi hins vegar minnkað síðan hún byrjaði að tileinka sér þennan lífsstíl.