Páll Óskar er eins og alþjóð veit einn besti skemmtikraftur landsins og Pallaball er alltaf gulltrygging fyrir góðri skemmtun.
Páll Óskar lætur fólk einfaldlega bilast á dansgólfinu pásulaust til kl. 4 um nóttina, þeytir skifum á fullu, blandar saman öllu því nýjasta við klassíska partíslagara og passar upp á að allir syngi með.
Þegar leikar standa sem hæst tekur hann öll sín bestu lög ásamt dönsurum og draumaprinsum.
„Það má gera ráð fyrir lögum eins og Stanslaust Stuð, La Dolce Vita, Allt fyrir ástina, International, Betra Líf, TF-Stuð, Líttu upp í ljós, Ég er eins og ég er, Þú komst við hjartað í mér, Bundinn fastur, Jafnvel þó við þekkjumst ekki neitt, Söngur um lífið, Gegnum dimman dal, Minn hinsti dans, Ást sem endist, Vinnum þetta fyrirfram, Ljúfa líf, Það geta ekki allir verið gordjöss,“ segir Páll Óskar eldhress þegar DV hafði samband við hann fyrr í dag.
Helgin verður annasöm að vanda hjá Palla, því á sunnudag verður kynningardagskrá í Borgarleikhúsinu á dagskrá vetrarins, en hann leikur Frank-N-Furter í Rocky Horror sem hefst aftur 8. september og verður í sýningum til jóla.
Húsið opnar kl. 22 og ballið hefst kl. 23 og stendur pásulaust til kl. 4, miðaverð er 2.500 kr.
Það má fylgjast með Páli Óskari á Facebook, Instagram og heimasíðu hans.
