Manchester City hefur fest kaup á miðjumanninum Claudio Gomes en þetta var staðfest nú í kvöld.
Gomes er gríðarlega efnilegur leikmaður en hann kemur til City á frjálsri sölu eftir dvöl hjá Paris Saint-Germain.
Gomes varð samningslaus í lok síðasta mánaðar og hefur undanfarnar vikur verið að æfa með liðinu í Bandaríkjunum.
Gomes er aðeins 18 ára gamall en hann spilar djúpur á miðjunni og er frá Frakklandi.
Gomes er uppalinn hjá PSG en fékk aldrei að spila aðalleik fyrir félagið. Hann á að baki landsleiki fyrir yngri lið Frakklands.
