

Umferðarslys varð á Suðurlandsvegi við Hólmsá, skammt frá Rauðhólum rétt fyrir klukkan tólf í dag. Tvær bifreiðar, fólksbíll og vörubifreið, skullu saman. Ökumenn beggja bifreiða voru fluttir á slysadeild.
Suðurlandsvegur verður opnaður fljótlega, en verið er að hreinsa vettvang þar sem slysið varð á vatnsverndarsvæði.
Lögregla vill ekki veita upplýsingar um slysið eða tildrög þess að svo stöddu.