Sergio Romero, markvörður Manchester United, mun ekki spila með argentínska landsliðinu á HM í sumar.
Romero var valinn í 23-manna hóp Argentínu í gær en nú er greint frá því að hann muni ekki taka þátt.
Þessi 31 árs gamli markvörður meiddist á hné í dag og mun ekki geta spilað í Rússlandi.
Þeir Willy Caballero og Franco Armani voru einnig valdir sem markmenn Argentínu en nú þarf að finna markvörð númer þrjú.
Þetta eru alls ekki slæmar fréttir fyrir Ísland sem mætir einmitt Argentínu í fyrsta leik í riðlakeppninni á HM.
