Jose Mourinho er samkvæmt spænskum miðlum við það að taka aftur við Real Madrid og eitt af fyrstu stóru markmiðunum hans á félagaskiptamarkaðnum er að fá Rodri frá Manchester City.

Florentino Perez forseti félagsins er sagður tilbúinn að gera allt til að landa spænska miðjumanninum og Mourinho er sammmála því að það sé mikilvægt skref í enduruppbyggingu liðsins.

Real Madrid hefurs skort stöðugleika á tímabilinu og vill fá inn mann sem getur stýrt hlutunum frá miðsvæðinu. Þar myndi Rodri reynast frábær.

Rodri, sem er 29 ára gamall, á rúmt ár eftir af samningi sínum við City sem gæti þýtt að félagið skoði að selja hann í sumar, til að missa hann ekki frítt eftir næstu leiktíð.