Framtíð Cody Gakpo hjá Liverpool er í óvissu ef marka má miðilinn Teamtalk.
Gakpo átti gott tímabil í fyrra, þegar Liverpool varð Englandsmeistari, en hefur ekki fylgt því eftir, frekar en liðið, á þessari leiktíð.
Liverpool er til í að skoða tilboð í hann í sumar og vill kaupa kantmann í hans stað. Bradley Barcola hjá Paris Saint-Germain og Maghnes Akliouche hjá Monaco eru til að mynda orðaðir við félagið.
Gakpo gekk í raðir Liverpool frá PSV árið 2023 og hefur skorað 50 mörk fyrir félagið á árum sínum þar.
