Bilanir í bifreiðum eru jafn algengar og farartækin á götunum en það hafa ekki allir þekkingu á bifreiðum til þess að greina vandamálið áður en aðstæður gætu leitt til slyss.

Þar kemur snjallforritið FIXD eins og kallað en forritið býður upp á þann möguleika að aðstoða fólk við að skilja bilanir ökutækisins með einföldum og skýrum hætti. Forritið tengist semsagt bílnum í gegnum farsímann og getur greint bæði vandamál, og hugsanlegar afleiðingar, ef ekki er gripið til aðgerða.

Hægt er að samstilla FIXD við allar gerðir bifreiða sem framleiddar eru eftir árið 1994 og nú sækja fleiri en 50.000 snjallsímanotendur forritið á degi í hverjum mánuði.

Bíllinn bilaði hjá múttu gömlu og úr varð þetta forrit

Einn af hönnuðum og umsjónarmönnum forritsins, John Gattuso, hefur sagt frá því í viðtali að bilun á bíl móður sinnar hafi orðið upphafið á þessari lausn.

„Mútta hringdi vegna þess að það  blikkaði eitthvað ljós á mælaborðinu,“ segir Gattuso á Kickstarter, þar sem fjáröflun forritsins hófst upphaflega.

„Hún hafði ekki hugmynd um hvað merkið táknaði, en heppilega gat ég greint vandamálið og þá kom í ljós að þetta var bilun í loftpúðakerfinu. Líf móður minnar var í hættu, bíllinn var að reyna að tjá sig við hana en hún gat hvorki hlustað né hafði nokkurn skilning á vandamálinu.“

John segir FIXD vera sérstaklega til þess gert að koma fólki í betra samband við ökutækin, en forritið kemur líka í veg fyrir að óprúttnir bifvélavirkjar svindli á kúnnum sem kunna ekkert á bifvélaviðgerðir.