Bankaráð Seðlabanka Íslands krafðist þess að Már Guðmundsson seðlabankastjóri léti af umræðu um málarekstur bankans gegn Samherja. Bókunin var samþykkt í kjölfar umræðu á fyrri fundum bankaráðsins þar sem framganga Más í fjölmiðlum var til umræðu. Hafði Már lengi vel á undan rætt opinberlega um málareksturinn gegn Samherja.

Morgunblaðið hefur bókunina undir höndum, þar segir:

Bankaráð Seðlabanka Íslands ít­rek­ar áhyggj­ur sín­ar af op­in­berri umræðu seðlabanka­stjóra um ein­stök mál sem bank­inn er með í vinnslu sbr. umræðu á fyrri fund­um og m.a. fundi 1121. Bankaráðið krefst þess að seðlabanka­stjóri láti nú þegar af slíkri umræðu.

Bókunin var gerð í mars 2016, þremur dögum eftir að Már mætti í viðtal á Eyjunni á Stöð 2.

Hér má sjá viðtalið við Má

Í viðtalinu sagði Már meðal annars að gera þyrftu gagngerar breytingar á rannsókn efnahagsbrotamála á Íslandi og ræddi hann fram­göngu gjald­eyris­eft­ir­lits Seðlabank­ans og yf­ir­manns þess í mál­um tengd­um rann­sókn­um þess, meðal ann­ars gegn Sam­herja.