Óvænt átök urðu í bæjarstjórn Árborgar í síðustu viku þegar formaður bæjarráðs í hreinum meirihluta Sjálfstæðisflokksins greiddi atkvæði gegn afgreiðslu samnings, sem tengdist áformum Árfoss ehf. um uppbyggingu á lóð á Selfossi.

Vegna afstöðu Gunnars Egilssonar, formanns bæjarráðs, hefði samningurinn fallið á jöfnu og áform meirihlutans verið í uppnámi hefði bæjarfulltrúi Bjartrar framtíðar  greitt atkvæði gegn samningnum.

Á fundinum voru þrjú mál á dagskrá, hefði Björt framtíð greitt atkvæði á móti samningnum hefði tillagan fallið á jöfnu, en Framsókn sat hjá en Samfylkingin greiddi atkvæði á móti.

Í bókun þeirra Eggerts Vals Guðmundssonar og Örnu Ír Gunnarsdóttur, S-lista, segir:

Undirrituð geta ekki samþykkt samning Svf og Árfoss ehf er varðar málefni Austurvegar 4 á Selfossi. Í stuttri bókun er ekki hægt að fara lið fyrir lið yfir þau atriði sem okkur þykir orka tvímælis í samning þessum. M.a. hugnast okkur ekki að bæjaryfirvöld samþykki skuldbindandi kvaðir gagnvart Árfoss ehf verði nýtt deiliskipulag miðbæjarreitsins ekki samþykkt. Undirrituð telja eðlilegra að ef skipulagið nær ekki fram að ganga að þá sé rétti tíminn til þess að lóðarhafar setjist að samningaborði.