„Við erum farin að sjá afbókanir í vetur. Nú í fyrradag var til dæmis ferðaheildsali að afbóka 40 hópa sem áttu að vera í vetur. Það var hætt við allar ferðirnar eins og þær leggja sig. Önnur hótel sem voru með þessa seríu hljóta að fá þessar afbókanir líka.“

Þetta segir Steinþór Jónsson hótelstjóri á Hótel Keflavík í samtali við Morgunblaðið í dag. Telur hann að mikil styrking krónunnar sé farin að hafa áhrif á ferðaheildsala sem séu byrjaðir að afbóka ferðir til Íslands. Segir hann að ferðaheildsalar séu nú að beina ferðamönnum til ódýrari landa:

Þetta er einn aðili af mörgum sem eru að afbóka í heilu lagi. Hann er hættur að selja ferðir til Íslands út af verðinu. Ferðaheildsalar munu beina ferðamönnum til ódýrari landa, t.d. Noregs og Írlands.