fbpx
Þriðjudagur 07.maí 2024
Eyjan

Rússnesk rúlletta á Reykjanesbrautinni

Trausti Salvar Kristjánsson
Laugardaginn 20. janúar 2018 21:25

Ekki missa af Helstu tíðindum dagsins í pósthólfið þitt

Lesa nánar

Þórólfur Júlían Dagsson

Þórólfur Júlían Dagsson ritar:

Það er þyngra en tárum taki að baráttunni um betri vegasamgöngur frá Reykjanesbæ um Reykjanesbraut sé enn ekki lokið. Allt of margir hafa lent í alvarlegum umferðarslysum á þessum vegarkafla milli Reykjavíkur og Reykjanesbæjar og allt of margir hafa hreinlega látið lífið. Við þetta verður ekki unað. Barátta bæjarbúa á sýnum tíma fyrir tvöföldun Reykjanesbrautar þar sem Rúnar Júl og fleiri hetjur úr okkar bæjarfélagi komu við sögu er okkur bæjarbúum í fersku í minni og þarf ekki að rifja það upp hér. En hvar erum við stödd í dag?

Brautin hefur verið tvöfölduð en því verki er ekki lokið. Það er sannarlega slæmt að verkið hafi ekki verið klárað en verra er að viðhaldi er ekki sinnt sem skyldi og umferðaröryggi er ekki tryggt í dag.. Vegurinn er að grotna niður, í honum eru djúp hjólför sem safnast vatn og mikil slysahætta á svæðinu. Lýsingin er ekki fullnægjandi og glitstikur sem eiga að vera sitthvoru megin við veginn hafa ekki verið endurnýjaðar þannig að erfitt getur verið að staðsetja sig í vályndum veðrum.  Ekki er hægt að horfa fram hjá því að þessir þættir eru ávísun á fleiri slys og þeir sem þurfa daglega að keyra Reykjanesbrautina í þessu ásigkomulagi eru að spila rússneska rúllettu. Sagan segir okkur að baráttan fyrir úrbótum skilar ekki árangri. Við suðurnesjamenn erum afskiptir og við þurfum sjálf að grípa til aðgerða.


Ég veit ekki um ykkur, kæru íbúar, en ég er búin að fá mig fullsaddan af aðgerðarleysi í garð okkar suðurnesjamanna frá stjórnvöldum.  Hér er svo ógurlega margt sem þarf að laga en við erum hunsuð um bæði eðlilega aðstoð og eðlilegt fjármagn til úrbóta.

Eina raunhæfa leiðin á þessari stundu er að sýna sterka samstöðu og fara í harðar aðgerðir til að knýja á um þær sjálfsögðu breytingar sem þar til að tryggja öryggi okkar allra á Reykjanesbrautinni. Það öryggi sem lagt var upp með þegar brautin var tvöfölduð var einfaldlega falskt vegna skorts á viðhaldi. Ég ákalla ykkur íbúa á svæðinu til að taka höndum saman og berjast fyrir því að Reykjanesbrautinni verði haldið við og hún kláruð svo sómi sé að.  Ég legg til að við öll grípum til aðgerða í samstarfi við okkar frábæra Stopp-hóp. Þannig getum við unnið sama að því að gera Reykjanesbrautina að öruggum stað til að keyra á.

Þórólfur Júlían Dagsson Stjórnarmeðlimur Pírata á Suðurnesjum
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Orðið á götunni: Fjármálaráð gefur verkum ríkisstjórnarinnar falleinkunn

Orðið á götunni: Fjármálaráð gefur verkum ríkisstjórnarinnar falleinkunn
EyjanFastir pennar
Fyrir 5 dögum

Þorsteinn Pálsson skrifar: Misheppnuð tilraun snýst um prinsipp

Þorsteinn Pálsson skrifar: Misheppnuð tilraun snýst um prinsipp
Eyjan
Fyrir 1 viku

Halla Hrund bætir enn við fylgi sitt og fylgi Katrínar minnkar

Halla Hrund bætir enn við fylgi sitt og fylgi Katrínar minnkar
Eyjan
Fyrir 1 viku

Ole Anton Bieltvedt skrifar: Stórskaðlegur og bannaður nagladekkjadans dunar áfram – Tugir deyja, ekkert mál?

Ole Anton Bieltvedt skrifar: Stórskaðlegur og bannaður nagladekkjadans dunar áfram – Tugir deyja, ekkert mál?