Kloss fékk innanhússhönnuðinn Tinu Rich í lið með til að hanna skrifstofurýmið, sem býður upp á marga möguleika og er líka fallegt fyrir myndavélalinsuna.
Viðskiptaflæði „Þar sem ég mun taka á móti teyminu mínu, viðskiptafélögum, vinum og fjölskyldu á skrifstofunni, þá var nauðsynlegt að rýmið væri þægilegt og flott, og myndi flæða á milli herbergja,“ sagði Kloss í viðtali við Architectural Digest. Hvítir veggir, glerhurðir og opið skrifstofurými skapa opið og líflegt umhverfi.
Alþjóðlegur innblástur Þrátt fyrir þétta dagskrá lagði Kloss áherslu á að gera skrifstofurýmið klárt. Hún sótti innblástur í aðrar skrifstofur, Pinterest og alþjóðlega staði, eins og Soho House hótelið í Berlín. „Soho eru með viðarborð í eldhúsinu, sem gaf mér innblástur til að nota viðarborð í fundarherberginu okkar.“
Eldhúsið Kloss er mikil áhugamanneskja um bakstur og taldi því mikilvægt að hafa eldhús á skrifstofunni, líkt og á heimili sínu, til að geta eldað og bakað fyrir vini, fjölskyldu og aðra gesti. Innréttingin er úr IKEA með sérsniðnum hurðum, koparbúnaður og sementflísar breyta venjulegu eldhúsi í draumaeldhús bakarans.
Heimilislegur griðastaður Sameiginlega rýmið er stílhreint og afslappað. „Karlie vildi hafa möguleika á að geta haldið matarboð á skrifstofunni og þess vegna er fundarherbergið innréttað líkt og borðstofa og sameiginlega rýmið líkt og stofa,“ segir Rich.
Glamúrbirta Ljósin frá Lulu & Georgia færa glamúr í rýmið.
Hverdagsnauðsynjar Við höfum öll okkar hátt á að komast í gegnum daginn. Hjá Kloss eru það „myndir af fjölskyldu og vinum á skrifborðinu og skúffurnar fullar af kökum, sem ég bakaði og hollustu snarli sem ég notið yfir daginn.“ Aðrir persónulegir munir eru bækur og aðdáendabréf sem veita henni innblástur og síðan notar hún tónlistarverðlaunin sín sem bréfapressu.
Listaverk í hverju rými Listaverk frá Uprise Art eru punkturinn yfir i-ið. „Það sem er svo frábært við skrifstofuna er að þó að hvert herbergi sé einstakt, þá mynda þau öll saman hagnýtt og skapandi rými.“
