Eigendur Hrím, Einar Örn Einarsson og Tinna Brá Baldvinsdóttir. Á bak við þau má sjá nýja vöru, Jurtir by Hrím, en í seríunni eru fimm myndir sem eru íslensk hönnun.
Hönnunarverslunin Hrím opnaði nýlega nýja og stærri verslun á 1. hæð í Kringlunni. Af því tilefni var boðið í opnunarpartý og var verslunin full út úr dyrum.
Konurnar á tímaritinu Glamour völdu nokkra af sínum uppáhalds hlutum og stilltu upp.Elísabet Guðmundsdóttir frá Angan skincare fræddi gesti um vörurnar og leyfði þeim að prófa þarabaðsalt og saltskrúbb.Kyle Blinder Clunies-Ross frá súkkulaðigerðinni Omnom bauð gestum að smalla á nýja vetrarsúkkulaði Omnom, „Hazelnut“ eða „Heslihnetur.“ Í vetur var Omnom með innanhúskeppni um besta vetrarsúkkulaðið, þar sem starfsfólki Omnom var boðið að senda sínar eigin tillögur að súkkulaðinu. Úr 27 innsendum hugmyndum varð „Hazelnut“ útkoman. Siguvegarinn var hönnuður Omnom, Veronica Filippin, sem einnig hannaði umbúðirnar. Súkkulaðið er undir miklum ítölskum áhrifum og er svokallað „Gianduja,“ það er blanda af mjólkursúkkulaði og heslihnetum. Súkkulaðið inniheldur einnig kakóbaunir frá Nicaragua, kryddblöndu sem samanstendur af appelsínuberki, negul og kanil og yfir það er stráð ristuðum og sykurbrúnuðum heslihnetum.Fullt var út úr dyrum allt opnunarpartýið.Rósa María Árnadóttir frá Glamour leysti fyrstu 50 gestina út með veglegum gjafapoka.
