Til dæmis með því að vera á setti og sjá meðleikurum breytt í hin ýmsu gervi, sem hræða myndu venjulegt fólk. En Harington tókst að bregða Leslie all verulega 1. apríl síðastliðinn og afraksturinn sýndi hann nýlega í þætti Jonathan Ross.
„Eins og þið sjáið þá er Leslie ekki vön hrekkjabrögðum á fyrsta apríl, fjölskyldan mín gerir þau alltaf, en ekki hennar fjölskylda,“ segir Harington.
„Hún grét á eftir, þetta fór ekki vel. Og hún sagði mér að ef ég myndi gera þetta aftur, þá væri þetta búið og ég held að hún hafi líka átt við fyrirhugað hjónaband.“
Parið, sem kynntist við tökur Game of Thrones þáttanna, tilkynnti nýlega trúlofun sína á gamaldags hátt með auglýsingu í The Times: „Mr K.C. Harington og Miss R.E. Leslie – Trúlofun Kit, yngri sonar David og Deborah Harington frá Worcestershire, og Rose, miðdóttur Sebastian og Candy Leslie frá Aberdeenshire.“
